Vargtider nr 3 1995

vargtider
Eit jubileum er over. På ein svært så hyggeleg jubileumsfest der det ikkje vanka store ord om jubilanten, spela det to manns sterke orkesteret opp Leonard Cohens “First we take Manhatten, then we take Berlin”, og eg skjøna at ingen kunne gje ei meir presis oppsummering.

Rett nok er første setninga i Selegrendbevegelsen sitt idé-grunnlag: Selegrendbevegelsen har et optimistisk menneskesyn, men det får då vera grenser. Apropos Selegrendbevegelsen, det er ei stund sidan den har gjeve lyd frå seg no. Eg gir meg til å bla i gamle papir og finn m.a fram til dette A4-arket om Selegrendbevegelsens idé-grunnlag, og for dei som ikkje samlar på gammelt papir, skal eg ramse opp dei 15 punktene:
1. Mere medbestemmelse og deltakelse.
2. Mere arbeidsinnsats
3. Mangfoldighet av mennesketyper.
4. Mangfoldighet av husholdstyper
5. Mere boservice og fellesanlegg
6. Mangfoldighet av virksomheter
7. Mangfoldighet av rekreasjonsmuligheter
8. Ressurs-ansvar
9. Bedre utnyttelse av tomtearealene
10. Bedre områdestrukturering
11. Bedre hustyper
12. Bedre økonomi
13. Ansvarsfølelse overfor naboskapet og den lokale kultur
14. Ansvar for boligsaken og miljøsaken ellers i lokalsamfunnet og i Norge
15. Ansvar for boligsaken for vanskeligstilte i andre land.

No har eg ikkje eg tenkt å hovere over Selegrendbevegelsen, men målsetting 11 og 12 er eit paradoks når husa i vårt borettslag ikkje akkurat er noko kvantespang framover i betre byggeskikk, ei heller er dei mellom rimelegaste bualternativa akkurat.

Ønsket om å innta Manhatten er altså ikkje heilt fjernt frå rørsla sitt idé-grunnlag, og i årsmeldinga for 82/83 finn eg at Edvard Vogt som repressentant frå NBBL hadde delteke i ein konferanse om boligsamvirke i utviklingsland. Men vi kan vel slå fast at veksten er stogga, og at omfanget av rørsla førebels er stabil på tre borettslag i Bergen. Men det var egentlig ikkje tittelen i Leonard Cohen-låta eg tenkte på som oppsummering av 20-årsjubileet, det var dei to første linene i første verset: “They sentenced me to twenty years of boredom, for trying change the system from within.”
-varG